Steinbergdalshytta

Høgt til fjells i Aurlandsdalen, 1070 meter over havet, ligg Steinbergdalshytta — ei historisk turisthytte med røter heilt tilbake til 1895. Omkransa av storslått natur og ope fjellandskap er hytta ein stad der du finn ro, nærleik til naturen og nye matopplevingar.

Gjestene blir møtte med varm gjestfridom, heimelaga mat av lokale og økologiske råvarer og unike rammer for sakte opplevingar i fjellet. Det er 50 sengeplassar fordelte på 16 rom, romslege stover og ein stor spisesal der alle samlast rundt langbord til middag.

Maten er eit eige kapittel. Plasseringa midt mellom aust og vest gjev tilgang til råvarer i toppklasse: fjellørret, urter, bær og sopp rett utanfor hytteveggen, ostar frå Ostebygda i Hol og grønsaker, bær og geitostar i verdsklasse frå Aurland ved Sognefjorden. Køkkenet legg særleg vekt på grønsaksrettar, bakar eige surdeigsbrød og lagar suppe og rummegraut frå botnen.

Hytta er open i påska og frå midten av mai til midten av oktober — men Steinbergdalshytta er ein spennande stad året rundt.